FAALO XASAASI AH-“.Madaxweynihii Gaariga Nebcaa”.

Taariikhda Soomaalida ayaa wax ka qoraysa hogaamiye walba oo soo mara dalka, waxaana lagu xasuusan doonaa qodobo u gaar ah iyo arrimo lahadal hayn doono mudooyin badan.

Madaxweynaha hadda xilkiisu dhammaaday islamarkaan u sharaxan xilka mudane Xasan Sheekh Maxamuud ayaa umadda Soomaaliyeed ku xasuusan doonaan arrimo badan mudadii uu xilka hayey ilaa 2012-kii.

Arrinta ilaa hadda sida weyn loo hadal hayo ayaa ah ciwaanka faaladaan ee aan ugu magacdarnay “Madaxweynihii safarka gaariga nebcaa”.

Akhristow faaladaani ma ahan mid katimid maskaxda shaqsi gaar ah laakiin waxay kasoo maaxatay maskaxo badan oo lasoo ururiyey aragtidooda ku aadan gundhiggeeda oo ah in madaxweynaha hadda xilku ka dhammaaday uusan weli labo magaalo gaari ugu kala safrin.

Madaxweyne Xasan Sheekh Maxamuud ayaan ilaa markii xilka loo doortay sanadkii 2012-kii gaari ugu safrin hal magaalo oo kamid ah dalka xitaa kuwa ay ka jirto xasiloonada iyo nabadgelyada laysku hallayn karo, sida Puntland iyo Jubbaland.

Madaxweynuhu wuxuu magaala walba iyo deegaan walba ku tegey diyaarad gaar ah oo uu ku baxayo dhaqaale badan, isagoona aan xitaa gaari ugu kala safrin Muqdisho iyo Afgooye oo ah magaalooyinka isugu dhow ee dalka.

Haddaba, maxay tahay sababta ka dambaysa arrintaani ma ammaan xumo iyo cabsi uu ka qabo dalkaa, mise madaxweynaha ayaa neceb safarka dhulka iyo socdaalka gawaarida?.

Xusuuso madaxweynaha Puntland safarkiisii ugu dambeeyey wuxuu isugu maray Boosaaso iyo Galkacyo oo qof walba dareemayo masaafada ay isu jiraan.

Miiska-faalada Jumcaha ee Puntlandnews

Comments

comments

Fikradaha Akhristayaasha (3)




.

kasamayso1-300x167