FAALO KULUL-Lix Arrimood oo sababay in Xasan Sheekh M ku guuldaraysto doorashadii madaxweynaha.

In badan oo ka mid ah dadka wax faaqida ma aamini karaan sida ay isu rogtay Doorashadii Madaxtinimada Somalia maanta, waxaa tartan adag laga filaayay hogaamiyaha laga adkaaday ee Xasan Shiikh Maxamuud.

Ilaa hada dadka ku haminaayay inuu Xasan soo laabto sharaxaad fiican kama bixin karaan sababtii uu Xasan ku guul dareystay ,laakiin waxaan qoraalkaan kusoo koobaya dhowr waxyaabood oo loo sababeyn karo guuldaradiisa.

1-Kulankii saakay ee 20-ka musharax ku yeesheen Hotel Jaziira ee la isku dhaarsaday in midka ugu codadka badan la taageero si Xasan Shiikh loo badalo.

2-Qudbadii Shiikh Bashiir Axmed Salaad ee Doorashada Ka hor waxaa ay aheyd mid fariin bixineysa ,dadka wax fahmi kara waxaa ay ujeedeen ineysan aheyn hadalo Xasan u daneeynaya , tusaale markii uu Shiiq ku wacdiyo adigoo masaajid ku jira 100% waxa uu sheegaayo waad aamintaa, Sidoo kale hadalkii Zakariye ee doorashada ka hor wuxuu ahaa midkale oo wax badalay.

3-Ololaha Xasan Shiikh ayaa u batay balan qaad aan lacag wadan, sida aan saakay sheegay ololaha Xasan Shiikh waxaa ay kusoo aruureen yabooh xilal ah waxaana xusid mudan in xildhibaanada cusub badankood deymo lagu lee yahay waxaana ay u baahnaayeen lacago kaash ah.

4-Xisbiga Daljir ayuu Xasan ka diiday dalab ra’iisul wasaare kadibna waxa ay u guureen dhanka Farmaajo oo ay xalay la fariisteen kadibna xildhibaanadooda oo dhan oo tiro ahaan 30 ka badnaa ayaa ku biiray markii uu u balan qaaday inuu Ra’iisul Wasaare ka dhigi doono qof iyaga ka tirsan.

5-Colaada loo qabay hogaanka raagay ayaa aheyd mid muuqatay waxaana ereyga is badal oo dadka qaarkii aaney si fiican u fasiri aqoonin uu ahaa wax kale oo fal gadiyay siyaasada Xasan.

6-Mushaharaxiintii maanta kuwii ugu miisaanka culusaa ayaa u badnaa kuwii tartamayay 2012-kii markaas oo ay codadkoodii ku taageereen Xasan Shiikh, lakiin kadib Albaabada ayaa laga xirtay waxaana ka buuxday caradii arintaas mana kasuurtoobin iney maanta aqbalaan balan kale 4 sano kadib.

Abdullahi Osman Farah
raafac22@gmail.com

One thought on “FAALO KULUL-Lix Arrimood oo sababay in Xasan Sheekh M ku guuldaraysto doorashadii madaxweynaha.

  1. WAXAAS OO DHAN WAXAA KA DARAN ARIMAHAN SOO SOCDA:

    1_ CADAWGII UMMADDA SOOMAALIYEED AYAA OLOLIHIISA DOORASHO HORBOODAYEY.

    2_ FARAGELINTA SHISHEEYAHA OO GAARTAY IN XILDHIBAANADA LOO HANJABO HADDII AY XASAN DOORAN WAAYAAN.

    3_ HABAARKA SHACABKA SOOMAALIYEED EE TABARTA DARAN OO IYAGOO MACALUUL U DHIMANAYA LACAGTOODII DANO GAAR AH LOO ADEEGSANAYO.

    4_ WAX QABAD LA TAABAN KARO OO UUSAN MUUJIN MUDDADII UU XAFIISKA JOOGAY.

    5_ CARADA ALLE OO LAGA YAABO INAY KA RAACDAY U RUKUUCIDDII BAKHTIGII KENYA. I.W.M.

    Reply

Post Comment