BIG NEWS-Maxaad kala socotaa in madaxda ugu saraysa Alshabaab ay habeenkii seexdaan…

Cabsi xooggan ayaa soo wajahday Saraakiisha Ururka Al Shabaab ee ku sugan Gobolada Koonfureed ee Somaliya, kadib markii ay kordheen Duqeynta diyaaradaha ee lagu bartilmaameedsanaayo Saraakiisha Ururka Al Shabaab.

Bishan gudaheeda waxaa dhacday Duqeyn kala duwan oo ay fuliyeen diyaarado dagaal oo qaarkood ay leeyihiin Dowladda Mareykanka, waxaana lagu bartilmaameedsaday Saraakiil ka tirsanaa Shabaab.

Habeenkii Khamiista todobaadkii aan soo dhaafnay ayaa waxaa duqeyn lagu bartilmaaameedsaday Saldhigyo Al Shabaab ay ku leeyihiin deegaanka Kuunya Barow oo ka tirsan Gobolka Shabellaha hoose, kadib markii ciidamo ajaanib ah iyo kuwa Somali ah ay beegsadeen.

Sidoo kale isla Bishan gudaheeda ayaa waxaa duqeyn lagu bartilmaameedsaday Sarkaal Shabaab ka tirsanaa, kaasi oo la sheegay inuu madax u ahaa ciidamada Shabaab ee Buuraha Galgala ku jira, waxaana duqeynta ay ka dhacday isla Gobolka Shabellaha hoose.

Ilo Wareedyo ayaa sheegay madaxda Shabaab inay soo food saartay cabsi xoogan oo ku aadan in lagu duqeeyo deeganada ay joogaan, waxaana taasi ay dhalisay in habeen waliba Saraakiisha Shabaab ay seexdaan meelo kala duwan.

XIGASHO-WARQAADPRESS

Post Comment